"Ukraina NATO äğ’zası bulaçaq"

Amerika Quşma Ştatları däwlät särqatibe Êntoni Blinken Ukrainanıñ axır çiktä NATO äğ’zası bulaçağın, tik monıñ öçen konkret yul kartasınıñ xäzerdän ük bilgelänüe kiräklegen söyläde. Ul Franśiyägä räsmi säfäre qısalarında êçke êşlär ministrı Stefan Sejurn belän söyläşkännän soñ oyıştırılğan matbuğat cıyılışında Kiyevnıñ ittifaqqa qabul itelüe belän bäyle belderülär yasadı.

“Berlektäşlärebez uzğan iyül’ ayında Vilnyus sammitında söylägän şikelle, Ukraina NATO äğ’zası bulaçaq. Xäzer bezneñ öçen mäs’älä monıñ öçen açıq häm anlayışlı yul kartası bilgeläw. Şuña ışanam, iyün’dä 75 yıllıq uñayınnan uzdırılaçaq NATO sammitı kübräk bu yul kartasın yäisä Ukrainanıñ NATO äğ’zası buluın täêmin itäçäk küperne niçek tözi aluıbızğa iğ’tibar itäçäk”,-dide Blinken.