Tayvan’da cir teträgän
Xualyan’ şähärendä barlıqqa kilgän 7,4 ball zurlığındağı cirteträwdä 9 keşe ülgän
Tayvan’nıñ könçığış yarındağı Xualyan’ şähärendä barlıqqa kilgän 7,4 ball zurlığındağı cirteträwdä 9 keşe ülgän.
Amerikadağı Geologik tikşerenü üzäge 7,4 ball zurlığındağı zilzilä êpiśentrınıñ Tayvan’nıñ könçığış yarındağı Xualyan’ şähäreneñ 18 çaqrım kön’yağı buluın belderde.
34,8 çaqrım tiränlektä terkälgän cirteträwdä töbäktäge toraq punktları zıyan kürgän, berençe mäğlümatlarğa kürä 9 keşeneñ ğomere özelgän, 882 keşe yaralanğan.
Tayvan’ üzäk meteorologiya departamentı isä zilziläneñ zurlığın 7,2 ball bularaq citkerde.
Xualyan’da şaqtıy binanıñ zıyan kürüe häm cimerelüe citkerelde.
Suhua avtoyulında barlıqqa kilgän işelülär näticäsendä yul yabılğan. Taoyuan’ xalıqara aêroportınıñ tübäse dä öleşçä cimerelgän.
Xualyan’ tiräsendä häm utrawnıñ êçke töbäklärendäge yullarğa qıya taşları kilep töşkän.
Tayvan’ üzäk meteorologiya departamentı monıñ soñğı 25 yılda Tayvan’da küzätelgän iñ köçle zilzilä buluın belderep, utrawnıñ tön’yaq töbäkläre öçen śunami kisätüen yasadı.
