Hindstanda köçle dawıl çıqqan

Hindstannıñ Könbatış Bengal provinŝiyasendä kük kükräwle dawıl kiterep çığarğan hälakätlärdä kim digändä 5 keşeneñ ğomere özelgän, 300dän artıq keşe yaralanğan.

İl matbuğatındağı xäbärlärgä kürä Jalpayguri belän Maynaguri töbäklärendä kiçä küzätelgän häm boz yawğan, kük tä kükrägän dawıl yaqınça 10 minut däwam itkän. Dawılda şaqtıy ağaç häm êlektr bağanası awğan.

Kim digändä 800 öy zıyan kürgän hälakätlärdä 5 keşe ülgän.

Könbatış Bengal provinŝiyase prem’yer-ministrı Mamata Banerjee xastaxanägä salınğan yaralanuçılar häm ülüçelärneñ ğailäläre yanına barğan.

Hindstan prem’yerı Narendra Modi da X säxifäsendäge akkauntında belderü yasap, ğomere özelgännärneñ yaqınnarınıñ qayğısı belän urtaqlaştı.