Totıq krizisı tögällände

Niderlandnıñ Êde şähärendä kafeda bügen irtänge säğat’lärdä başlanğan totıq krizisı tögällände. Ber şöbhäle saq astına alındı.

Niderland poliśiyäse waqıyğanıñ terrorçılıq maqsatı bulmawın belderde.

Cirle mediada yazılğança, “Petticoat” dip ataluçı tanılğan kafeda cirle waqıt belän irtänge säğat’ 4kä qadär çara bara häm ul, şuña kürä, açıq bula. Totıq waqıyğası turında poliśiyägä säğat’ 6 tulıp 30 minutta xäbär itälär.

Şahitlärneñ süzlärenä qarağanda, ber ir-at qulına qoral häm şartlatqıçlar totıp yabılır aldınnan kafeğa kerä häm anı hawağa oçıru belän yanıy. Êçtägelärne torıq itep ala.

Niderland matbuğatında irekkä çığarılğan berençe 3 totıqnıñ östendä kafe xezmätkärläre kiyä torğan forma buluı, cirle waqıt belän 12 tulıp 30 minutta dürtençe häm sonğı totıqnıñ da cibärelüe äytelä. Annarı poliśiyä bitlek kigän şöbhälene qulğa ala.

Êde şähäre mêrı Rene Ferx’yulst totıq krizisınıñ tögällänüen, waqıyğa barışında şähär üzägendäge barlıq kibetlär häm ofislarnıñ yabıluın häm 150 öyneñ kisätü maqsatınnan buşatıluın belderde.