Amerika BMO xisabın oşatmadı

AQŞ İzrailneñ Ğazzädä genośid başqaruın açıqlawçı BMO xisabın kire qaqtı.

Berläşkän Millätlär Oyışmasınıñ Fälästin maxsus xisapçısı Françeska Al’baneze İzrailneñ genośid cinayäte başqaruına iğ’tibarnı cälep itä. “Dön’yanıñ İzrailne cawapqa tartmawı Ğazzädä genośidqa yul aça. Ğazzädäge genośid - fälästinlelärdän çistartuğa yünältelgän ozaq waqıt däwam itüçe kilep urnaşuçılarnıñ koloniyäläşterü prośessınıñ iñ öske êtabı”,-dide ul. Xisapçınıñ bu belderüe AQŞqa oşamadı.

Amerika Quşma Ştatları däwlät departamentı süzçese Mêt’yu Miller ileneñ älege xisapnı qabul itmäwen, İzrailneñ genośid başqarmawın alğa sörde.

“Genośid turındağı süzlärneñ nigezsez buluyın açıq räweştä belderdek. Şul uq waqıtta Ğazzädäge tınıç xalıq arasındağı yuğaltularnıñ küplegenä tiränten borçılabız”,-dide ul häm İzrailgä yärdämnäreneñ däwam itüen citkerde.

AQŞ süzçese Miller Fälästin maxsus xisapçısı Al’banezenıñ antisemit belderülär yasawın äytte.