2023 - qaçaqlar öçen iñ ütergeç yıl buldı

2014nçe yıldan 2023nçe yılğa qadär dön’yada 62 meñ 285 tärtipsez migrantnıñ ülüe yäisä yuqqa çığuı belderelde. Bu xaqta Xalıqara migraśiya oyışması yıllıq xisabında citkerä. Anda äytelgänçä, älege 62 meñ 285 möhacirneñ 28 meñ 854e Afrika yäisä Aziyadan. Alar Urta diñgezne kiçkändä hälaq bula. Bu qaçaqlarnıñ şäxesläre açıqlanğannarınıñ öçtän berennän kübräge Äfğanstan, Birma, Süriyä häm Êfiopiya şikelle qorallı bäreleşlär buluçı illärneñ watandaşları.

Süz uñayınnan, Xalıqara migraśiya oyışması mäğ’lümatları axırğı 10 yılda qaçaqlar öçen iñ ülemle yılnıñ 2023 ikänlegen kürsätä: barlığı 8 meñ 541 möhacir hälaq bula. Bigräk tä Urta diñgezdäge ülem sanında kisken artu iğ’tibarnı cälep itä.