Su basu häm cir şuışudan ülüçelär sanı artqan
Alarnıñ sanı 27gä citkän
Braziliyäneñ Êspirito Santo ştatında häm Rio – de- Janeyro şähärendä köçle yawım-töşemnär kiterep çığarğan su basu häm cir şuışularda ülüçelär sanı 27gä citkän.
Räsmi zatlar beldergänçä, su basu häm cir şuışulardan Êspirito Santoda 19, Rio – de- Janeyroda 8 keşe ğomeren yuğaltqan.
Yaqınça 7 meñ 300 keşe öylären taşlap kitärgä mäcbür bulğan häm 6 keşe xäbärsez yuğalğan.
Braziliya däwlät başlığı Luiz İnasion Lula da Silva tabiği afätlärdä ğomeren yuğaltuçılarnıñ ğailälärenä teläktäşlek beldergän, afättän zıyan kürüçelärgä yärdäm kürsäteläçägen citkergän.
Töbäktä yawım-töşemnär häm dawıl berniqadär waqıt däwam itäçäk dip belderälär.
Bäyläneşle xäbärlär
Putin Ciñü könendä çığış yasadı
Bügen Rusiyädä İkençe Bötendön’ya suğışınıñ tögällänüen bilgeläp uzalar
