Yärdäm kötkändä üldelär

Qıtlıq küzätelüçe Ğazzä sızığında azıq-tölek häm gumanitar yärdäm kötkändä üterelgän fälästinlelär sanı 560 buldı.

İzrail ber yaqtan höcümnären däwam ittergändä, ikençe yaqtan yärdämneñ kerüenä qomaçawlıy.

Yaqınça 2,3 million fälästinle yäşägän Ğazzädä qıtlıq küzätelä.

Keşelär on taba almağan öçen xayvan rizıqları belän tuqlanırğa mäcbür qala.

Fälästinneñ Qanun çığaru şurası äğzase Mostafa Barguti X sośial’ säxifäsendäge akkauntında belderü yasap, 560 Ğazzä keşeseneñ yärdäm kötkän waqıtta İzrail köçläre tarafınnan atıp üterelüen açıqladı.

Barguti citkergänçä İzrail armiyase yärdäm alırğa tırışqan 1523 keşene yaraladı.

İzrail armiyase Ğazzädäge Kuväyt yul çatırında yärdäm maşinalarınıñ kilüen kötkän fälästinlelärgä tank häm awır qorallar belän ut açqan ide.

Açılğan utta 19 keşeneñ ğomere özelde, 23 keşe yaralanğan ide.

19 mart könge höcümdä 23 keşe, 14 martta 20 fälästinle, 29 fevral’ könne 118 keşe ülde.