Braziliyadä cir şuışqan

Braziliyaneñ Rio-de-Janeyro şähäre häm Espiritu Santo provinśiyalärendä köçle yawım-töşemnär kiterep çığarğan cir şuışularında 12 keşeneñ ğomere özelgän.

Räsmi zatlardan yasalğan belderügä kürä soñğı täwlektä köçle yawım-töşemnär arqasında şaqtıy cir şuışuı xäbäre kilgän häm qayber töbäklärdä êvakuaśiya êşläre başlatılğan.

Cir şuışularında xäzergä qadär 12 keşe ülgän, qayber keşelär yuğalğan.

Rio-de-Janeyro şähärendä köçle dawıl häm öyermä arqasında ğadättän tış xäl iğlan itelgän.

Petropolis şähärendä isä qayber öylär cimerelgän, 500 keşe öylären taşlap kitärgä mäcbür qalğan.

Grajdan saqlanu häm yanğın sünderü törkemnäre afättä zıyan kürgän töbäklärdä êzläw-qotqaru êşlären başlatqan.

Meteorologiya xezmätennän yasalğan belderüdä köçle yawım-töşemnär häm dawılnıñ däwam itäçäge citkerelde.