"Süriyädä 16 million 700 meñ keşe gumanitar yärdämgä moxtac"

 Berläşkän Millätlär Oyışması ğomum särqatibeneñ Süriyä maxsus wäkile Geyr Pedersen ozaq waqıt bäreleşlär däwam itkän Süriyädä 16 million 700 meñ keşegä gumanitar yärdäm kiräklegen belderde.

Süriyädä bäreleşlär başlanuğa 13 yıl tulu nisbätennän yazmaça belderü yasağan Pedersen krizisnıñ haman da säyäsi xäl itelmäwen, il külämendä artqan regional’ kiyerenkeleklär häm borçılu waqıyğalarnıñ faciğağa kiterüenä basım yasadı.

Pedersen bilgeläp uzğança, Süriyä xalqı ozaq waqıt köç qullanuğa häm cimerelügä duçar buldı. İldäge gumanitar krizis tağın da tiränäyä bara häm 16 million 700 meñ keşe gumanitar yärdämgä moxtac.

5 millionnan artıq qaçaq kürşe illärdä yäşi. 7 millionnan artıq keşe il êçendä küçerelgän, il iq’tisadı cimerelgän.