İrlandiya prem’yer-ministrı wazifadan kitäçäk

İrlandiya prem’yer-ministrı Leo Varadkar wazifasınnan kitäçägen citkerde.

İrlandiyadä 2017 yıldan bügengä qadär Fine Gael partiyaseneñ ğomum başlığı bulğan 45 yäş’lek Varadkar başqala Dublinda belderü yasap, ile belän citäklägän waqıtnı tormışınıñ iñ yaxşı çorı dip atadı.

İke tapqır İrlandiya prem’yer-ministrı bulğan Leo Varadkar wazifasınnan kitü säbäpläreneñ şäxsi häm säyäsi buluın äytte.

Partiya liderlığınnan kitüen citkergän Varadkar prem’yer-ministr wazifasınnan da kitäçägen belderde.

“Wazifamnıñ 7 yılınnan soñ bu êş öçen monnan soñ iñ yaraqlı keşe buluımnı uylamıym,” – dide ul.

İrlandiyadä 2017 yılda xökümät räise wazifasına kilgändä 38 yäş’tä bulğan Leo Varadkar wazifadan kitkännän soñ Parlament äğzase bulıp qalırğa däwam itäçäk.