Ğıyraqta su basu afäte

Ğıyraqta köçle yawım-töşemnär kiterep çığarğan su basularda 4 keşe ülgän, 8 şähärdä yal iğlan itelgän.

Ğıyraqnıñ tön’yağında 2 kön buyı yawğan köçle yañğırlar tormışqa tiskäre täêsir itä.

Bagdat, Ärbil, Dähuk, Kärkük, Musul, Vasıt, Anbar häm Diyalada naçar hawa şartları arqasında räsmi yal iğlan itelde.

Afätlärdä iñ küp zıyan kürgän Dähuk şähärendä ğomere özelüçelär sanı 4kä citkän.

Dähuknıñ grajdannarnı saqlaw mödirlege süzçese, polkovnik Bivar Abdülaziz belderü yasap, su basuda yaralanğan ber keşeneñ xastaxanädä yaqtı dön’yadan kitüen, 15 yäş’lek ber balanıñ isä ut suğıp ülüen äytte.

İlneñ kön’yağında da köçle yawım-töşemnär küzätelä.