Rusiyädäge saylawğa reakśiyälär
Rusiyäneñ Ukrainanıñ qayber töbäkläre belän Abxaziyädä häm Kön’yaq Osetiyädä saylaw uzdırıluına qarşı ber-ber artlı reakśiyälär yasaldı
Gruziyä, NATO häm Awrupa Berlege saylawnıñ qanunsız buluın belderde.
Rusiyä Federaśiyäsendä öç kön däwam itkän Däwlät başlığı saylawı monnan aldağı könne tögällände. Ukraina belän 3 yıl savaş xälendä bulğan Rusiyädä İlbaşı Vladimir Putingä tağın ber çorğa wäqalät birelde.
Töğäyen bulmağan näticälärgä kürä, Putin saylawda 77.44% qatnaşu küläme bulğan saylawda tawışlarnıñ 87.29%ın alıp, kötelgäne kebek saylawnı ottı.
Rusiyäneñ 2014nçe yılda Ukrainadan qanunsız räweştä anneksiyälägän Qırım belän 2022nçe yılda üz cirlärenä quşqan Doneśk, Lugansk, Xerson häm Zaporojye töbäklärendä dä Rusiyä Däwlät başlığı öçen tawış birelde. Rusiyä ayıruça Abxaziyädä häm Kön’yaq Osetiyädä dä saylaw oyıştırdı.
Gruziyä (Görcestan) İlbaşı Salome Zurabişvili ilennän ber yaqlı bäysezlegen iğ’lan itkän Abxaziyä belän Kön’yaq Osetiyä töbäklärendä Rusiyä Däwlät başlığı saylawınıñ ütkärelüeneñ qanunsız buluın belderde. Zurabişvili sośial’ media akkauntınnan yasağan belderündä Abxaziyä häm Kön’yaq Osetiyä töbäklärendä ilbaşı saylawınıñ ütkärelüeneñ qabul itelmäslek buluın äytte.
Telgä alınğan şuşı ike töbäkneñ Rusiyäneñ okkupaśiyäse astında buluın iskärtep uzuçı Zurabişvili: "Rusiyä Federaśiyäse Däwlät başlığı saylawınıñ Gruziyäneñ basıp alınğan töbäklärendä ütkärelüe bötenläy qabul itelmäslek häm qanunsız. Bu saylaw Gruziyäneñ suverenlığın häm cir bötenlegen tağın ber qat citdi räweştä boza häm xalıqara qağıydälärgä tulısınça tiskäre”, - dip belderdeı Zurabişvili xalıqara cämäğätçelekne şuşı wazğıyätkä reakśiyä kürsätergä çaqırdı.
NATO Ğomum särqatibe Yens Stoltenberg ta oçraşular ütkärü öçen kitkän Gruziyädä mäs’älä xaqında belderü yasadu.
Ğomum särqatip Stoltenberg: "Rusiyäneñ Gruziyä häm Ukraina cirlärendä saylaw ütkärüe tulısınça qanunsız”, - dip bäyäläw yasadı.
Stoltenberg Rusiyäneñ "imperialist ambiśiyälärenä” omtıluı fikeren yaqlap, Gruziyäneñ iminlek problemaları belän oçraşuın iskärtep uzdı.
Awrupa Berlege tışqı mönäsäbätlär xezmäteneñ Rusiyädä 15nçe-17nçe martta oyıştırılğan İlbaşı saylawı turında yasalğan belderüendä saylawnıñ xökem sörgän Rusiyä-Ukraina suğışınıñ yoğıntısı belän dä” bik çikläwle şartlarda uzuına” basım yasaldı.
Awrupa Berlegeneñ Rusiyäneñ “waqıtlıça yaw astındağı Ukraina cirlärendä qanunsız räweştä oyıştırılğan güyä saylawnı kisken räweştä gäyepläwe” citkerelgän belderüdä bu saylaw belän Rusiyäneñ “Berläşkän Millätlär Oyışması Şartnamäse belän bergä xalıqara xoquqnı häm Ukrainanıñ bäysezlegen, möstäqıyllegen häm cir bötenlegen tağın ber qat citdi räweştä bozuı” bilgeläp uzıldı.
