İslamofobiyağa qarşı köräştä yaña adım

Berlӓşkӓn Millӓtlӓr Oyışması ğomum şurası 15 mart Xalıqara İslamofobiya belän köräş könendä İslamofobiyağa qarşı köräş öçen yasalaçaq adımnar mäs’äläsendä äzerlängän qarar ölgesen qabul itte.

Tawışqa quyu 44 bitaraf, 115 uñay häm 0 tiskäre tawış belän tögällände.

Bitaraf qalğan 44 il arasında Franśiya, Angliya, Germaniya, İtaliya, Greśiya, Şveśiya, Şveyśariya, Finlyandiya, Ukraina häm Hindstannıñ buluı iğtibarnı cälep itte.

Qabul itelgän qararda medianıñ här törendä separatizm, qırıslıq häm dini näfrätne üsterüçe yazmalar häm programmalar belän ber rättän izge kitap häm urınnarnı da kertep möselmannarğa qarata naçar möğamälä, ayırıp qaraw häm doşmanlıqlar ğayeplände.

Qararda BMO ğomum särqätibe Antoniu Guterreştan İslamofobiyağa qarşı köräş öçen Berlӓşkӓn Millӓtlӓr Oyışması maxsus wäkileneñ bilgelänüe taläp itelde.

Şulay uq äğza däwlätlärgä dä möselmannarğa qarata qırıslıqqa qarşı köräş öçen qanuni häm säyäsi ölkälärdä başqarılaçaqlarnı da kertep barlıq kiräkle çaralarnı kürü çaqıruı yasaldı.

Qararda mädäniyät häm śivilizaśiyalär arasında dialog häm dini törlelek tä täşwik itelep, BMO ğomum särqätibennän bu qararnıñ ğamälgä kerüe belän bäyle xisap äzerläp, BMO ğomum şurasınıñ 79nçı utırışında täqdim itüe taläp itelde.