100läp uquçı häm uqıtuçını urladılar

Nigeriyada terrorçı oyışma “Boko Xaram” 100dän artıq uquçı häm ber uqıtuçını urladı. Waqıyğa ilneñ tön’yaq-könbatışındağı Kuriga şähärçegendä buldı.

Cirle matbuğattağı xäbärlärgä qarağanda, şahitlär motośikllı häm qorallı distälärçä keşeneñ mäktäpkä kerüen kürülären citkerä. Alar uquçılar belän bergä uqıtuçını da alıp çığıp kitä.

“Boko Xaram” kiçä dä möhacir lagerında yäşäwçe häm utın cıyu öçen urmanğa kergän distälärçä xatın-qız häm balalarnı urlağan ide. Waqıyğa Kamerun çigenä yaqın Gamboru-Ngala töbägendä bula. İminlek köçläre grajdanlılarnı qotqaru öçen operaśiya başlıy. Nigeriyada “Daily Trust” gazetı BMO wäkile Möxämmät Maliknıñ mäğ’lümatlarına nigezlängän xäbärendä urlanğan keşelärneñ 200 buluın beldergän ide.

Soñğı waqıtlarda Nigeriyanıñ törle töbäklärendä, qorallı törkemnärdän tış, “Boko Xaram” häm “DEAŞ”qa bäyle terrorçı oyışmalarnıñ höcümnäre iminlekkä yanıy.