Kasparov Rusiyäneñ terrorçı isemlegenä kertelgän
Rusiyä êlekke Bötendönya şaxmat çempionı Garri Kasparovnı terrorçılar häm êkstremistlar isemlegenä kertkän
Rusiyä Federaśiyäseneñ “Rosfinmonitoring” internet saytında urnaşqan terrorçı häm separatistlar isemlegenä Kasparovnıñ iseme dä östälgän.
Ätise yähüd, änise ärmän bulğan Rusiyä watandaşı Kasparov 1985-2000nçe yıllarda şaxmatta dönya çempionı bula. 2005nçe yılda şaxmat kar’yerasın tögällägän Kasparov Rusiyä İlbaşı Vladimir Putinğa qarşı torğan säyäsi oppoziśiyä xäräkätenä quşıla.
Berniqadär waqıttan soñ çit ildä yäşi başlağan Kasparov 2014nçe yılda Xorvatiyä watandaşlığın ala.
2022nçe yılda Rusiyä-Ukraina suğışınıñ başlanuı belän İlbaşı Putinnı tänqıytläwçe Kasparov: "Rusiyägä qarşı Ukrainağa xärbi yärdäm kürsätergä häm Rusiyä iq’tisadın tarqatırğa” çaqırğan ide.
Kasparov 2022nçe yılnıñ 20nçe may könne Rusiyädä "çit il agentı” isemlegenä kertelgän ide.
