217 tapqır koronavirus vakśinası yasatqan

Germaniyädä 1 keşe 217 tapqır koronavirus vakśinası yasatqan. Bu xaqta mediśina jurnalında yazıp çığalar. Anda äytelgänçä, älege vakśinalar 29 ay êçendä şäxsi klinikalardan satıp alınıp yasalğan.

Êrlangen-Nyurnberg universitetı tikşerenüçeläre 62 yäşendäge älege ir-atta bernindi problema tapmıy.  Uqu yortınıñ mikrobiologiyä bülemennän tabib Kilian Şober bolay di: “Bu oçraq turında gazetadağı xäbärlärdän uqıdıq. Soñınnan üze belän êlemtägä kerdek häm qayber testlar uzdırırğa teläwebezne äyttek. Üze dä bik qızıqsındı”.

İr-attan qan häm tökerek analizları alına. Anıñ sonğı yıllarda saqlanuğa quyılğan, tuñdırılğan qan ürnäklären dä tikşerä.

Kilian Şober äytüençä, êşçänlek çorında ir-atqa üzeneñ sorawı buyınça qabat Kovid -19 vakśinaları yasala. Tikşerenüçelärneñ, şulay itep, immun sistemasınıñ preparatqa täêsiren tikşerü mömkinlege dä bula.

Magdeburg şähärendäge prokuratura älege keşegä yasalğan 130 vakśinanıñ dälillären cıyğan häm yalğanlaw buyınça tikşerü başlağan. Tik ir-atqa bernindi ğayepläw dä belderlmägän.

Belgeçlär çiktän tış küp vakśina yasawnı kiñäş itmäwlären belderä. Älege ir-atqa yasalğan testlarnıñ da ğomumi näticä yasaw öçen citmäwe turında assızıqlıylar.