Ğazzädäge 130 kümäk qaberlek dokumentlaştırıldı
Bu xaqta Awrupa Urta diñgez keşe xoquqların küzätü oyışması “EURO-Med”tan belderdelär
2110896
Jenevadağı Awrupa Urta diñgez keşe xoquqların küzätü oyışması “EURO-Med” İzrail blokadası astındağı Ğazzägä höcümnärdä ğomere özelüçelär kümelgän 130dan artıq kümäk qaberlekne dokumentlaştıruların belderde. Bu xaqta anıñ citäkçese Rami Abdu “X” sośial’ media platforması aşa xäbär itte. Ul ber kümäk qaberlek fotosın da urtaqlaşıp, anıñ İzrail genośidınıñ qorbanı fälästinlelärneke buluın häm Ğazzäneñ üzägendäge ber uramda urnaşuın citkerde.
Uzğan yılnıñ 7nçe oktyabrennän birle Ğazzä sızığındağı höcümnärdä kimendä 13 meñ 230 bala, 8 meñ 860 xatın-qız - barlığı 30 meñ 534 fälästinle üterelde. 71 meñ 920 keşe yaralandı.
Cimereklär astında äle haman meñnärçä üle barlığı belderelä.
