Höcümnär özleksez däwam itä

 İzrailneñ Ğazzägä höcümnäre özleksez däwam itä.

7 nçe oktyabr’dän birle barğan höcümnärdä 30 meñ 228 fälästinle ğomeren yuğaltqan, 71 meñnän artıq keşe yaralanğan.

 Cimereklär astında haman da küp sanda keşe buluı belderelä.

İzrail ğaskärläre Ğazzä sızığınıñ üzäk öleşendäge Däyr äl-Bälah şähärenä höcüm itkän. İke yortqa häm mäçetkä bomba tiyü näticäsendä kim digändä 15 keşe ülgän.

İzrail Räfax şähären dä bombağa totqan. Biredä dä ülüçelär häm cäräxätlänüçelär bar.

Cibaliyä qaçaqlar lagerına da höcüm oyıştırğan İzrail 70 fälästinle sıyınğan öyne bombalağan, höcümdä şaqtıy keşeneñ ğomere özelgän.

İzrail armiyäse Bäyt Xanundağı tınıç xalıq toraq punktlrnda da höcüm itep üterü başqarğan.

”Xamas”nıñ Kassam brigadaları İzrailneñ höcümnäre turında belderü yasağan. Belderüdä äytelgänçä, İzrailneñ bombalawlarında Ğazzädä äsirlektä bulğan 7 İzrail watandaşı üterelgän.

Bötendön’ya sälamätlek saqlaw oyışması ğomum direktorı Tedros Adanom Gebreisus “Şifa” xastaxasendäge krizis xaqında belderü yasağan.

Ul xastaxanädä xronik açlı-tuqlı yäşägän küp sanda balanıñ buluın belderep Ğazzädä utnı tuqtatu çaqıruın yañartqan.