Yordaniya qabat Ğazzägä hawadan yärdäm töşerde

Yordaniya armiyäse Ğazzä sızığınıñ tön’yağına azıq-tölek yärdäme belän 3 oçqıç cibärde. Bu xaqta yasalğan räsmi belderüdä Patşa xärbi-hawa köçlärenä qarawçı oçqıçlarnıñ qayber töbäklärgä hawadan gumanitar yärdäme töşerüe äytelä.

“Bu yärdämnär Yordaniyäneñ suğışnıñ täêsiren kimetü, citdi azıq-tölek häm daru qıtlığın kompensaśiyäläw maqsatı belän Ğazzä sızığına mediśina häm tuqlanu yärdäme cibärü tırışlıqlarınıñ ber öleşe” diyelä belderüdä.

Oçışlar öçen Yordaniyä Marka xalıqara aêroportı belän Misırnıñ “Äl-Arış” aêroportı arasında tözelgän hawa küpere qullanıla. Yordaniyä Ğazzägä yärdämnärneñ däwam itäçägen belderde.

Yordaniyä armiyäse kiçä dä Oman häm Baxreyn belän xezmättäşlek itep fälästinlelärgä hawadan gumanitar yärdäm töşerülären citkergän ide.