Kolumbiya İzraildän qoral aluın tuqtattı

Kolumbiya ilbaşı Gustavo Petro İzrailneñ Ğazzädä gumanitar yärdäm kötüçe keşelärne utqa totuına reakśiyä belderde. Ul “X” sośial’ media platformasındağı yazmasında bolay di: “Aşarğa sorawçı 100dän artıq fälästinlene Netan’yaxu üterde. Bu genośid dip atala häm, dön’yanıñ köçle däwlätläre monı işetergä telämäsä dä, Xolokostnı xäterlätä. Dön’ya Netan’yaxunı tuqtatırğa tiyeş. Kolumbiya İzraildän barlıq qoral satıp alu êşçänlegen tuqtattı”.

İzrail armiyäse Ğazzä sızığında Räşit uramındağı Nablusi kiseleşendä gumanitar yärdäm kötüçe fälästinlelärne bombaladı. Anda 112 keşe ülde, 760ı yaralandı.

Ğazzädäge xökümät İzrailneñ älege höcümeneñ aldan planlaştırılğan buluın citkerde. “Basıp aluçı armiyä alege keşelärneñ anda gumanitar yärdäm alu öçen kilüen belä ide, tik suıq qanlılıq belän üterde” diyelä bu nisbättän yasalğan belderüdä.