İzrail yärdäm kötüçe fälästinlelärne utqa tottı

İzrail Ğazzä şähärendä gumanitar yärdäm kötep toruçı fälästinlelärne utqa tottı. Anda 104 keşeneñ ülüen, 760ınıñ yaralanuın belderälär.

Fälästin sälamätlek saqlaw ministrlığınnan yasalğan belderüdä älege höcümneñ tınıç xalıqnı suıq qanlı üterü häm İzrailneñ däwam itüçe “genośid suğışınıñ” ber öleşe buluı äytelde.

Ğazzädäge xökümätneñ matbuğat xezmäte isä İzrailneñ höcümne aldan planlaştıruın citkerde. Belderüdä xalıqara cämäğat’çelek, bigräk tä, AQŞta Djo Bayden idaräse fälästinle tınıç xalıqnıñ üterelüenä irek quyuda ğayeplänä.  “Dön’yadağı barlıq illärgä, barlıq ğaräp häm islam däwlätlärenä, Ğaräp berlegenä, İslam xezmättäşlek oyışmasına genośidnı tuqtatuı öçen İzrailgä basım yasaw öçen kiçekmästän tıqşınırğa çaqırabız” diyelä anda.