4 meñ çüp qapçığında 1086 keşeneñ gäwdäse

Kolumbiyäneñ Tön’yaq Santander idarä töbägendä açıqlanğan kümäk qaberlektän çüp qapçıqlarına tutırılğan 1086 keşeneñ qaldıqları çığa.

Milli matbuğatta çıqqan xäbärlärgä qarağanda, kümäk qaberlekne Kukuta şähärendä üzäk ziratta qazu êşläre alıp baruçı xezmätkärlär taba. Anda 4 meñ çüp qapçığı barlığı açıqlana.

Yuğalğan keşelärne êzläw dairäse häm Maxsus solıx mäxkämäsennän yasalğan belderüdä tabılğan keşe qaldıqlarınıñ 1964nçe-1966nçı yıllarda däwlät köçläre häm Kolumbiyä inqıylab qorallı köçläre belän Milli bäysezlek armiyäse arasında bulğan bäreleşlär çorına qarawın farazlıylar.  

Mäxkämä räise Maria del Pilar Valensiya da, belderü yasap, xälneñ qotoçqıç buluın häm külämle tikşerü ütkärelüe kiräklegen äytte.

İlbaşı Gustavo Petro “X” sośial’ media platformasındağı yazmasında: “Bu Kolumbiya xalqı duçar bulğan kümäk üterüneñ dälile şikelle kürenä” dide.