Xirosimada tabılğan säğat' aukśionda satıldı

Yaponiyäneñ Xirosima şähärendä 1945nçe yılda atılğan atom bombasınnan soñ cimereklär arasında tabılğan qul säğate 31 meñ 113 dollarğa satıldı. Aukśion AQŞnıñ Boston şähärendä uzdı. Ul uqları cirle waqıt belän 8 tulıp 15 minutqa kilgändä êregän. Bu näq’ şartlaw mizgele.

Säğat’ne satıp aluçınıñ iseme belderelmäde.

Aukśion yortı älege säğat’ne “atom-töş çorınıñ tañ atuı bilgese häm śivilizaśiyäneñ qoyaşı batuı xäbärçese” dip bäyäli.

Säğat’ne aşığıç yärdäm iltü öçen şähärgä kilgän ber Angliyä xärbiye tabıp ala.  

Şveyśariyäneñ 2017nçe yılda Nobel’ büläge alğan Xalıqara atom-töş qoralların yuqqa çığaru öçen başlanğan kampaniyäse älege säğat’neñ satıluına qarşı çıqtı. Tarixi sabaq mäğ’näsenä iyä êksponattan beräwlärneñ kerem aluınıñ yalğış bulaçağın alğa sördelär.

AQŞ 1945nçe yılnıñ 6nçı avgustında Xirosima şähärenä tarixtağı täwge atom bombasın attı. Qalanıñ 90%ı cimerelde. Berençe mizgeldä 80 meñ keşe ülde.