"Ukraina NATOğa keräçäk"

NATO ğomum särqatibe Yens Stoltenberg Ukrainanıñ, waqıtı citkäç, ittifaqqa keräçägen äytte. Ul Rusiyä belän Ukraina arasındağı suğışqa 2 yıl tulu nisbätennän “X” sośial’ media platforması aşa videoyazma urtaqlaştı.

“Suğış mäydanındağı xäl citdi bulıp qala birä. Putinnıñ Ukrainada xakimlek itü maqsatı üzgärmäde. Solıx tözergä äzerlänüen kürsätüçe bernindi bilge yuq”,-di anda Stoltenberg. Ul uzğan atnalarda ittifaq däwlätläreneñ Ukrainağa milliardlarça dollarlıq yaña yärdäm paketları äzerläwlären belderüen äytte.

Stoltenberg fikerençä, Putin bu suğışnı NATOnıñ yulın bülü, Ukrainanıñ ittifaqqa kerüenä yul quymas öçen başladı, tik Ukraina, kiresençä, NATOğa tağın da yaqınaydı.

“Ukraina NATOğa keräçäk, bu barı waqıtqa bäyle mäs’älä. Bez sezne ul köngä äzerlägändä, NATO Ukrainanıñ yanında toruın däwam itäçäk”,-dide ul.