AQŞ Ayğa mende
1972nçe yıldan soñ täwge tapqır Ayğa ğaläm korabı mengerügä ireştelär
Amerika Quşma Ştatları 1972nçe yıldan soñ täwge tapqır Ayğa mende. AQŞ milli aviaśiya häm ğaläm agenlığınıñ internet säxifäsennän yasalğan belderügä qarağanda, “Intuitive Machines” şirkäteneñ “İM-1” missiyäse qısalarında “Falcon 9” raketası belän ğalämgä cibärelgän “Odissey” apparatı Aynıñ kön’yaq qotıbına yaqın ber töbäkkä töşep utırğan. Bu Törkiyä waqıtı belän säğat’ tönge 2 tulıp 23 minutta bula.
NASAnıñ sośial’ media akkauntındağı yazmasında da “Zakazığız Ayğa tapşırıldı” diyelä. “Intuitive Machines” şirkäte isä “Odissey”nıñ yaña öye bar” dip yaza.
NASA idaräçese Bill Nel’son turıdan-turı êfirda: “Bügen yartı ğasırdan artıq waqıt uzğannan soñ AQŞ Ayğa kire qayttı. Bügen NASAnıñ xezmättäşläreneñ köçen häm kiläçägen kürsätüçe kön”,-dide.
“Odissey” ğalämgä 15 nçe fevral’dä oçırtılğan ide. Ul Ayğa töşep utırğannan soñ 15 minut ütkäç köçsez genä bulsa da signal cibärä başlıy. Ğaläm apparatı NASAnıñ “Artemida” missiyäse qısalarında qullanuı uylanılğan 6 törle täcribä öçen kiräk-yaraq ta iltte.
