Bayden Putinğa qarata sügenü süzläre äytte

AQŞ ilbaşı Djo Bayden Kaliforniya ştatınıñ San-Franśisko şähärendäge ber çarada yasağan çığışında Rusiyä däwlät başlığı Vladimir Putinğa qarata sügenü süzläre äytte.  “Putin şikelle aqıldan yazğan qayber liderlar bulğan waqıtta, bezgä härçaq atom-töş suğışı öçen borçılırğa kiräk”,-dide ul.

Djo Baydennıñ Vladimir Putinğa qarata äytelgän süzlärenä Rusiyädän kiçekmästän cawap kilde.  Kreml’ süzçese Dmitriy Peskov: “Mondıy süzlärneñ AQŞnı kimsetüen uylıym. Bu tör süzlär anı qullanuçılarnıñ abruyın töşerä”,-dide.

Djo Bayden moña qadär dä Putinğa qarata “diktator”, “it turawçı” häm “xärbi cinayät’çe” digän süzlär qullandı.