Ğazzä xalqı rizasızlıq belderde

Ğazzä sızığınıñ tön’yağında distälärçä fälästinle İzrail höcümnäreneñ tuqtatıluı häm töbäkkä gumanitar yärdämneñ ireşterelüe öçen çara oyıştırdı.

Açlıq häm susızlıq küzätelgän Ğazzäneñ tön’yağındağı Cibaliya qaçaqlar şähärçegendä uramğa ağılğan yarsulı xalıq “Aşarğa telibez”, “Yäşärgä telibez” häm “Xalıq ber qapçıq on teli” şiğar’lären äytte.

Rizasızlıq belderüçelär blokada arqasında töbäktä su bulmawğa iğtibar cälep itü öçen kästryul’lärgä suğıp, tawış çığardı.

Fälästinle Yunıs Äbu Värdä: “Keşelär yäşärgä teli, qamaw astında alar, rizıq yuq, su yuq, ikmäk yuq. Keşelär xayvan rizığın aşıy,” – dide.

Protestçılar Ğazzä sızığınıñ tön’yağına qarata qullanıluçı häm keşelärne xayvan rizığın aşarğa mäcbür qaldıruçı blokadanıñ beterelüe soradı.

Fälästinle distälärçä bala da uramnarda cıyılıp: “İkmäk turında xıyallanam”, “Açlıq – yaman närsä”, “Aşarğa telibez” dip yazılğan plakatlar kütärde.

Qaşıqlar belän buş kästryul’lärgä bärgän balalar Ğazzädäge höcümnärne ğayepläwçe häm yaxşı tormış taläp itüçe şiğar’lär äytte.