İşäk tirese belän säwdä itü tıyıla

Afrika Berlege qıytğada işäklärneñ kimüe arqasında älege xaywannıñ tirese belän säwdä itüne tıydı. Älege qarar atna axırında Êfiopiyada uzğan 37nçe Afrika Berlege sammitında çığarıldı.

Qıtay häm qayber başqa çit illärdän işäk tirelärennän yasaluçı jelatinğa soraw zur. Bu isä dön’yada işäk populyaśiyäseneñ küp öleşenä iyä Afrikada rizasızlıq kiterep çığardı.

Qarardan soñ işäklärne yaqlaw cämğıyäte belderü yasadı. Anda, şulay itep, älege xaywannıñ 33 millionğa yaqın populyaśiyäse häm êşlärendä anı qullanuçı cirle xalıqlarnıñ kerem çığanağı saqlanuı äytelä. Dön’yadağı işäklärneñ öçtän ikesenä iyä Afrikada bu xaywannar äyber taşu öçen dä, transport itep tä qullanıla.   

Qıtaynıñ Afrika illärennän işäk satıp aluınıñ iñ ähämiyätle säbäbe - anıñ tiresennän yasaluçı “êśzyao” dip ataluçı jelatin. Ul bigräk tä mediśinada yış qullanıla. Statistikağa qarağanda, monıñ öçen Qıtayda här yıl 4 million işäkne suyalar.