Bayden belän Netan'yaxu söyläşte
Bayden Räfaxqa höcüm mäs'äläsendä Netan'yaxunı tağın ber qat kisätte
AQŞ ilbaşı Djo Bayden İzrail xökümäte räise Bin’yamin Netan’yaxu belän telefon aşa söyläşte.
Aq Yorttan belderülärençä, ike räsmi zat İzrail belän “Xamas” arasındağı äsir almaşu söyläşüläre turında fiker alışa. Bayden barlıq äsirlärneñ mömkin bulğança tiz arada irekkä cibärelüe öçen bik tırışaçaqların citkerde. Ul, şulay uq, Räfax şähärenä äzerlänüçe höcümgä dä tuqtaldı. Bayden, andağı tınıç xalıqnıñ iminlegen täêmin itü öçen ışandıruçı häm tormışqa aşarday plan bulmağanda, monı êşlämäskä kiräklegen assızıqladı.
İzrail Ğazzägä höcüm häm basıp alu barışında töbäkneñ tön’yaq häm üzäk öleşlärendä yäşäwçelärneñ kübesen Misır çigendäge Räfax qalasına küçenergä mäcbür itte. Anda 1 million 400 meñ keşeseneñ cıyıluı farazlana. İzrail höcümnäre buyı tön’yaqtağılarnı “ışanıçlı” dip kön’yaq töbägenä qısrıqladı. Xäzer anda cirdän höcüm başlap, alarnı bötenläy êtep çığarırğa niyätli.
Xalıqara cämäğat’çelek İzrailne Räfaxqa külämle höcümneñ yaña häm zur faciğağa kiteräçäge mäs’äläsendä kisätä.
