Senegalda oppoziśiya rizasızlıq belderä

Senegalda oppoziśiya şimbä könne bar ildä çara oyıştıraçaq.

Monıñ säbäbe – 25 fevral’ könne ütkärelüe kötelgän ilbaşı saylawınıñ 15 dekabr’gä küçerelüe.

Saylaw kiçekterelgännän soñ 20 däwlät başlığı namzätennän 13e xuplağan “Saylawıbıznı saqlıyq” isemle kollektiv 17 fevral’dä başqala belän ber rättän küp kenä şähärdä çara oyıştırırğa çaqırğan.

Kollektiv kiçä oyıştırası bulğan çara öçen gubernatorlıktan röxsät çıqmağan.

İxtimallı qırıslıq waqıyğaların buldırmaw öçen ildä mobil’ internetnı özgännär.

İlbaşı saylawınıñ kiçekterelüenä rizasızlıq belderü öçen 9 fevral’ könne il külämendä oyıştırılğan çaralarda poliśiya belän protestçılar arasında bäreleş çıqqan, poliśiya borıçlı gaz qullanğan.

İl külämendäge çaralarda 3 keşeneñ ğomere özelgän ide.