Avstraliyada köçle dawıl
Köçle cil Avstraliya tarixındağı iñ zur êlektr özekleklärenä kiterde
2101908
Avstraliyäneñ Viktoriya töbägendä köçle dawıl arqasında 529 meñ keşe êlektr utınnan mäxrüm qaldı. Cirlektä köçle yañğır häm cil köndälek tormışqa tiskäre täêsir yasadı.
Dawılda küp sanda ut bağanaları awdı häm ber êlektr stanśiyäse ğamäldän çıqtı.
Viktoriya töbäge ênergetika ministrı Lili D’Ambrosio sośial’ media platforması “X” aşa urtaqlaşqan yazmasında monıñ cirlek tarixındağı iñ zur êlektr özekleklärennän berse buluın belderde.
Dawılnıñ transportqa da naçar täêsir itüe belderelde. Tiskäre hawa şartları arqasında Mel’burndağı qayber poyızd säfärläre kiçekte.
