AQŞ Rusiyädän uran importın tıyaçaq
Qanunnıñ Senatta tawışqa quyıluı häm AQŞ ilbaşı tarafınnan raslanuı kiräk
AQŞ citäkçelege yıl azağına qadär Rusiyädän bayıtılğan uran importın tıyuçı qanunnı qabul itärgä planlaştıra.
Dekabr’ ayında Wäkillär palatası mondıy qanunnı qabul itkän ide.
Qanunnıñ Senatta tawışqa quyıluı häm AQŞ ilbaşı tarafınnan raslanuı kiräk.
“The Faynenşl Tayms” gazetına kürä qanun ozaqlamıy qabul itelä alına.
Läkin qanunğa kürä AQŞ başqa çığanaqlardan mäxrüm qalğan oçraqta Rusiyä uranına import tıyuın ber waqıtqa tuqtata alaçaq.
AQŞlı räsmi zatlar ildäge atom-töş êlektr stanśiyaläreneñ 2022dä küpçelek importlanğan uran belän êşläwen, importnıñ 12%ınıñ Rusiyä tarafınnan täêmin itelüen citkerä.
AQŞnıñ atom-töş ênergiya tarmağında Rusiyädän uran importınıñ ozaqlamıy tıyılaçağı turındağı xäbärgä törle reakśiyalär kürsätelde.
Rusiyä dön’yada uran bayıtu tarmağınıñ 50%ın kontrol’ itä.
Rusiyä-Ukraina suğışı başlanğannan birle AQŞ häm könbatış illäre atom-töş yağulıq belän täêmin itü çılbırınnan Rusiyäne çığarırğa tırışsa da, xäzergä qadär bu başqarıla alınmadı.
