Höcümnär däwam itä: yuğaltular arta

İzrailneñ 7nçe oktyabr’dän birle Ğazzä sızığına däwam itkän höcümnärendä ğomere özelgän fälästinlelärneň sanı 28 meň 340qa citkän.

Ğazzädäge Fälästin sälamätlek saqlaw ministrlığı 129 kön barğan höcümnär belän bäyle mäğ’lümatlar citkerde.

İzrail ğaskärläre soñğı täwlektä Ğazzä sızığında 164 fälästinlene ütergän, soňğı höcümnärdä 200 keşe cäräxätlängän. 

Şulay itep Ğazzä sızığına däwam itkän höcümnärdä ğomeren yuğaltqan fälästinlelärneň sanı 28 meň 340 bulğan, 67 meň 984 keşe yaralanğan.

İzrail armiyäse sonğı 10 köndä 1102 fälästinlene ütergän.

Belderüdä äytelgänçä, cimereklär astında häm yul çitlärendä äle dä ülelär bar, läkin İzrail köçläreneň totqarlawı arqasında aşığıç yärdäm häm grajdannar saqlanu törkemnäre cimereklär astındağı keşelärgä barıp citä almıy.