Saylaw waqıtında üterü

Paqıstannıñ Xayber Paxtunxva töbägendä saylaw xezmätkärlärenä qorallı höcüm yasaldı. Anda ber iminlek saqçısınıñ ğomere özelä. Waqıyğa bulğan Kot Azam cirlegendä tawış birü waqıtlıça tuqtatılıp tora.

Bügen ildä 128 millionnan artıq saylawçı Paqıstan parlamentına häm cirle deputatlar öçen tawış birä. Milli assambleyadağı 266 urın öçen 5 meñ 121, 4 töbäkneñ qanun çığaru organnarındağı 593 urın öçen isä 12 meñ 695 kandidat yarışa.  

Başqala İslamabad, Lüksor, Karaçi, Peşaver häm Kuêtta şikelle şähärlärdä saylawçılar tawış birü öçen ozın çiratlarğa tezelde. Saylaw bülekläre cirle waqıt belän kiçke säğat’ 5tä yabılaçaq.