Netan'yaxu utnı tuqtatu täq'dimen kire qaqtı

İzrail xökümäte räise Bin’yamin Netan’yaxu “Xamas”nıñ utnı tuqtatu häm äsir almaşu täq’dimen qabul itmäde. Ul fälästinlelärneñ bombalaw astındağı Ğazzädän qaçıp sıyınğan Räfax töbägenä höcümgä äzerlänergä ämer birde.

Netan’yaxu AQŞ däwlät särqatibe Êntoni Blinken belän söyläşkännän soñ matbuğan oçraşuı ütkärde. Anda ul Ğazzädäge izraille äsirlärneñ ğailälärenä möräcäğat’ itep, “Xamas”nıñ taläpläreneñ çınbarlıqtan yıraq buluın, xärbi basımnı däwam itüneñ äsirlärne kiterü öçen berdänber yul ikänen alğa sörde. Anıñça, “Xamas”nıñ taläplären qabul itü äsirlärne irekkä çığarmayaçaq, barı yaña ütereşkä kiteräçäk.

İzrail xökümäte räise Ğazzägä höcümnäreneñ berniçä ay êçendä näticä biräçägen äytep maqsatlarınnan kire qaytmayaçaqların citkerde.

Netan’yaxu Ğazzäneñ kön’yağında yäşägän urınınnan kitärgä mäcbür bulğan 1 millionnan artıq fälästinle sıyınğan Räfax şähärenä qarata: “Armiyägä Räfax häm üzäk lager’larğa höcümgä äzerlänü öçen kürsätmä birdek,”-dide.