AQŞ Ğıyraq häm Süriyädä höcüm oyıştıra

Amerika Quşma Ştatları 28 ğıynwar könne Süriyä-Yordaniya çigendäge Amerika bazasına qarşı oyıştırılğan höcümgä cawap bularaq berençe tapqır töbäktä höcümnär oyıştıruın açıqladı.

AQŞnıñ Üzäk köçlär citäkçelege tarafınnan yasalğan yazmaça belderüdä Süriyä häm Ğıyraqta İran revolyuśion gvardiya armiyaseneñ Qodüs köçenä bäyle suğışçı törkemnärneñ kim digändä 85 urınına hawadan höcümdä yuqqa çığarıluı belderelde.

Höcümnärdä AQŞtan kütärelgän bombağa totu oçqıçları da bulğan häm 125tän artıq bombanıñ qullanıluı urın alğan açıqlawğa kürä maqsat itep alınğan töbäklärdä idarä häm kontrol’ üzäklärenä, raketalar belän keşesez hawa apparatlarına ut açılğan.

AQŞ ilbaşı Djo Bayden höcüm belän bäyle yasağan yazmaça belderüendä Süriyä häm Ğıyraqtağı İran revolyuśion gvardiya armiyase belän bäyläneşle suğışçı törkemnärne maqsat itep alıp, bazağa oyıştırılğan höcümgä bügen cawap qaytara başlawların häm bu cawapnıñ üzläre saylağan waqıtta häm urınnarda däwam itäçägen açıqladı.

AQŞnıñ Yaqın Könçığışta xärbi bäreleş telämäwen äytkän Bayden şulay uq Amerikalı ğaskärilären maqsat itep aluçılarğa cawap qaytaraçaqların assızıqladı.

AQŞqa bäyle “Tower 22” isemle bazağa oyıştırılğan höcümdä 3 amerikalı ğaskäri ülde, 40tan artıq ğaskäri yaralanğan ide.