Baş miyenä berençe tapqır çip urnaştırıldı
Monı İlon Mask qorğan “Neuralink” şirkäte başqardı
Amerikalı neyrotexnologiya şirkäte “Neuralink”nıñ qoruçısı İlon Mask ber keşeneñ baş miyenä berençe tapqır çipnıñ urnaştırıluın açıqladı.
Mask X sośial’ mediadağı akkauntında çipnıñ “Neuralink” tarafınnan urnaştırıluın citkerde.
Sawığu barışınıñ yaxşı uzuın äytkän İlon Mask berençe näticälärneñ ömet birüen belderde.
“Telepati” isemle çip telefon yäisä sanaq yärdämendä här cihaznı kontrol’ itä ala.
Bu êş öçen uylarğa ğına kiräk.
Mask çipnı iñ êlek ayaq-qulların toymawçı keşelärgä urnaştıraçaqların açıqladı.
Monnan alda maymıllar östendä sınap qaralğan çiplarnıñ baş miyendäge signallarnı cihazlarğa uñışlı räweştä citkerüe äytelgän ide.
İlon Mask häm ber törkem injener tarafınnan 2016da qorılğan “Neuralink” baş miyenä urnaştırılaçaq mikroçiplar yärdämendä paraliç häm suqırlıq kebek neyrologik xastalıqlarnı däwalaw häm ğariplärneñ tormış sıyfatın yaxşırtunı maqsat itä.
