Makron Hindstandağı qotlawda qatnaştı

Hindstanda Franśiya däwlät başlığı Êmmanuêl’ Makron qatnaşında “Cömhüriyät köne” qotlandı.

Hindstan Cömhüriyät köneneñ 75 yıllığın başqalada qotladı.

Franśiya däwlät başlığı başqaladağı paradnıñ töp qunağı buldı.

Makron tantanadan alda X sośial mediadağı akkauntında Hindstan prem’yer-ministrı Narendra Modi belän bergä töşkän räsemne urtaqlaştı.

Êmmanuêl’ Makron räsem astına bolay dip yazdı: “Xörmätle dustım Narendra Modi, Hind xalqı, sezne Cömhüriyät könegez belän çın küñeldän qotlıym. Sezneñ belän bergä bulu ğorurlandıra.”

Makron Hindstannan 30 meñ studentnı Franśiyadä belem alırğa çaqıruın äytep: “2030 yılda Franśiyadä 30 meñ hind studentı. Bu bik yaxşı maqsat häm min monı çınğa aşıruda täwäkkäl,” – dide.