Xan-Yunıska ut açıldı

10 meñ fälästinle sıyınğan Berlӓşkӓn Millӓtlӓr Oyışmasına bäyle belem birü üzägendä 12 keşe üterelde, distälärçäse yaralandı.

Höcümnän soñ BMO ğomum särqätibe urınbasarı Martin Griffits Ğazzä sızığındağı wazğıyät’ne vöcdansızlıq itep taswirladı.

Griffits beldergänçä İzrail fälästinlelärdän töbäkne buşatunı soradı läkin çığularına forsat birgänçe bombağa tottı.

BMOnıñ Fälästin turında xisap yazuçısı Françeska Albanese da monıñ Xalıqara cinayät’ mäxkämäseneñ Rim nigezlämäse kisätüenä kürä citdi xalıqara cinayät’ buluın xäterlätte.

Xalıqara küzätüçelär İzrail Xalıqara mäxkämädä xökemgä tartılğan könnärdä Ğazzä sızığında ayawsız räweştä höcümnären däwam itterüenä iğtibarnı cälep itte.

İzrail Ğazzä sızığındağı Xan-Yunısnı könnär buyı bombağa tota. Xalıq panikağa birelep, şähärdän Räfaxka barırğa omtıla. Läkin Ğazzä sızığında ber urın da imin tügel.