Qotıpta yaña pingvin koloniyäläre

Angliyäneñ Antarktika tikşerenüläre institutı Kön’yaq qotıpta yasalma iyärçen yärdämendä alıp barılğan küzätülär näticäsendä 4 yaña imperator pingvinı koloniyäsen açıqladı. Xaywannar üzgärgän bozlıq şartları arqasında urınnarın üzgärtä. Şuña kürä yaña ürçü mäydannarın yasalma iyärçennän küzätälär.

İnstituttan belderülärençä, bilgele koloniyälär 30 çaqrımnan yırağraqqa kitkän. Küzätülär barışında pingvinnarnıñ monarçı bilgele bulmağan yaña koloniyälären oçratalar. Alardan berse yuqqa çıqqan dip sanaluçı Xêlli qultığı koloniyäse. Ul, kürengänçä, qabat ternäklängän häm MakDonal’d boz tawlarında yäşi.

Yañaları tabılğannan soñ Kön’yaq qotıptağı pingvin koloniyäläre sanı 66ğa citte.