Olaf Şol’ś - Zelenskiy söyläşüe uzdı

Germaniya kanślerı Olaf Şol’ś Ukraina däwlät başlığı Vladimir Zelenskiy belän telefonnan söyläşte.

Germaniyaneñ xökümät süzçese yasağan yazmaça belderügä kürä Şol’ś Zelenskiy belän Ukrainadağı säyäsi, xärbi häm gumanitar wazğıyät’ne qaradı.

Söyläşüdä Şol’śka Rusiyäneñ soñğı höcümnäreneñ täêsirläre xaqında mäğlümat birgän Zelenskiy şulay uq Ukrainanıñ hawa saqlanuın nığıtuğa qarağan xärbi yärdäme öçen Germaniya xökümätenä räxmät belderde.

Olaf Şol’ś ta Rusiyäneñ däwam itüçe höcümnäre qarşısında Ukraina belän qaqşamıy torğan teläktäşlektä buluın qabatlap, Awrupalı häm xalıqara partnyerlar belän yaqın koordinaśiya êçendä Ukrainanı xärbi ölkädä dä xuplarğa däwam itäçäklären belderde.

İke lider 2023 yılnıñ iyulendä G7 urtaq beldergeseneñ ğamälgä kerüe qısalarında ike yaqlı qurqınıçsızlıq häm yärdäm yöklämäläre kileşüe belän bäyle däwam itüçe söyläşülärneñ ozaqlamıy tämamlanuı mäs’äläsendä kileşte.