Tön'yaq Koreyalılarnıñ iñ yaratqan liderı - Putin

Tön’yaq Koreya xalqınıñ iñ yaqın dusları itep Rusiyä däwlät başlığı Vladimir Putinnı kürüläre açıqlandı.

Tön’yaq Koreyanıñ räsmi matbuğat organı ilneñ tışqı êşlär ministrı Çxve Son Xuêy uzğan atnada Mäskäwgä säfärennän soñ çığarğan xäbärdä bu xaqta yazdı.

“Tön’yaq Koreya xökümäte däwlät başlığı Putinnıñ ilebezgä yasayaçaq säfärenä çın küñeldän söyenä häm Koreya xalqı iñ yaqın dustın barlıq cılılığı belän qarşılarğa äzer” diyelä älege xäbärdä.  

Putin Tön’yaq Koreyağa axırğı säfären 2000nçe yılda yasadı häm älege çordağı lider - xäzerge däwlät başlığı Kimnıñ ätise Kim Çen İr belän oçraştı.