İzrailneñ qansız höcümnäre tuqtamıy

İzrailneñ 7nçe oktyabr’dän birle däwam itüçe höcümnärendä Ğazzä sızığında ğomere özelgän fälästinlelärneñ sanı 25 meñnän arttı. Yaralanuçılar isä 62 meñ 681 buldı.  

İzrail köçläre tönge säğat’lärdä oyıştırğan basqınnarda Äl-Xälil, Nablus häm Tulkarm şähärlären nişanğa aldı.

Fälästin räsmi xäbär agentlığı WAFAnıñ xäbärenä qarağanda, İzrail Ğazzä sızığınıñ kön’yağındağı Xan Yunıs şähärenä höcümnären arttırdı. Anda 10 grajdanlınıñ ülüe, distälärçäseneñ yaralanuı citkerelä. İrtänge säğat’lärdä xärbi oçqıçlarnıñ bombalawında 3 keşe hälaq bula, berse - bala. Yaralanuçılar da şaqtıy.  

Yordannıñ Könbatış üzänlege häm Qudüsneñ könçığışında bulğan İzrail basqınnarında isä bik küp keşe saq astına alındı.