Êkvadorda banda äğ'zaların "çüplilär"
Sonğı 6 köndä alıp barılğan operaśiyälärdä aq astına alınğan banda äğ’zaları sanı 1534 buldı
Êkvadorda “qorallı grajdannar bäreleşe” xäle iğ’lan itelgännän soñ saq astına alınğan banda äğ’zaları sanı 1534kä citte. Alarnıñ 158se izolyatorda. Bolar sonğı 6 köndä alıp barılğan operaśiyälärdä başqarıla. Anda poliśiyä dä, armiyä dä qatnaşa. Bu waqıtta 5 banda äğ’zası üterelä, 2 iminlek saqçısınıñ da ğomere özelä.
Xökümättän belderülärençä, banda totıq itep alğan 11 poliśiyä xezmätkären operaśiyä barışında qotqaralar. Şulay uq, 575 qoral häm 478 quldan yasalğan şartlatqıç tartıp alına.
Belderüdä äytelgänçä, operaśiyälärdä yaqınça 5,6 tonna narkotik qulğa töşerelä.
İsegezgä töşeräbez, il külämendä iminlek krizisı belän köräşüçe Êkvador xökümäte, “Fito” quşamatlı banda liderı Adol’fo Masias Salasar belän berniçä mäxküm törmädän qaçqaç häm şunnan soñ poliśiyä maşinalarına qarata bombalı höcümnär yasalğaç, 9nçı ğıynvarda 60 könlek ğadättän tış xäl iğ’lan itte. Älege qarar çığuğa oyışqan cinayät’çel törkemnär bik küp poliśiyä xezmätkären urladı häm maşinalarğa ut törtte.
