Cir teträw küpme "can aldı"?

Yaponiyaneñ İşikava provinśiyasendä 1 ğıynwar könne barlıqqa kilgän 7,6 ball zurlığındağı cir teträwdä ğomere özelüçelär sanı 221 buldı. Yaralanuçı sanı da 1016ğa kütärelde.

Yuğalğan 22 keşene êzläw êşläre däwam itä.

İşikava belän ber rättän Toyama, Niigata, Fukui häm Gifu provinśiyalärendä dä 15 meñ tiräse öy zıyan kürde.

İşikavanıñ Noto töbägendäge 9100 yort haman da utsız. Yortlarda su betülär dä küzätelä.

Töbäktäge afättän soñğı 2 atnada 1398 iyärçen cir teträw barlıqqa kilgän.