Yämändä kiyerenkelek üsä

Amerika Quşma Ştatları häm Angliya urtaq operaśiya belän Yämändäge xusilärgä bäyle 30 urınğa ut açqannan soñ yaña höcüm oyıştırıldı.

Xusilär tarafınnan qullanılğan ber radar qorılmasın maqsat itep alğan yaña höcümneñ êlekkesennän tağın da keçkenä külämle buluı häm AQŞ tarafınnan ber yaqlı çınğa aşırıluı açıqlandı.

Yämändäge xusilärgä bäyle Äl Mäsira televideniyese dä AQŞ häm Angliyaneñ Yämän başqalası Sanağa qarata höcümnär oyıştıruın belderde.

İzrailneñ Ğazzägä höcümnärenä cawap bularaq soñğı waqıtta Yämändäge xusilärneñ säwdä köymälärenä qarata başqarğan ğamällärennän soñ şaqtıy köymä şirkäte Qızıl diñgezdäge säfärlären tuqtatu qararın aldı.