Yaponiyada cir teträwdä ülüçelär arta

Yaponiyäneñ könbatışındağı İsikava töbäge häm şul regiondağı Noto yarımutrawında yılnıñ berençe könnärendä bulğan cir teträwlärdä ğomere özelüçelärneñ sanı 203kä citte.

Wäqalätlelär beldergänçä, 26 meñ keşe 22 töbäktäge 400 êvakuaśiyä noqtasında yäşi, yabılğan yullar säbäple 3 meñ 100 keşe çığa almıyça qalğan.

Regionda cir teträwlär arqasında törle cäräxätlär alğan 566 keşeneñ däwalanuı belderelde. Xäbärsez yuğalğan 68 keşeneñ yazmışın açıqlarğa tırışalar.

Yaponiyä saqlanu ministrı Minoru Kixara 6 meñ 300 xärbineñ afät cirleklärendä êzläw-qotqaru êşçänleklärendä qatnaşuın belderde.

Yaponiyä meteorologiyä agentlığı 1nçe ğıynvardan 5senä qadär çorda İsikavanıñ Noto yarımutrawı häm sulıqlarında 5-7 ball zurlığında küp sanda cir teträw buluın citkergän ide.