Paqıstan Talibanınnan höcüm

Paqıstannıñ Hayber Pahtunhva provinśiyasendä poliomiyelitka qarşı vakśina yasağan sälamätlek saqlaw xezmätkärlären saqlap torğan iminlek köçlärenä qarşı oyıştırılğan bombalı höcümdä 6 poliśiya xezmätkäre yaqtı dön’yadan kitte, 23 poliśiya xezmätkäre yaralandı.

Milli matbuğattağı xäbärlärgä kürä provinśiyaneñ Bajaur töbägendä poliomiyelitka qarşı vakśina qadağan sälamätlek saqlaw xezmätkärlären saqlap torğan poliśiya maşinasına bombalı höcüm oyıştırıldı.

Waqıtlıça xökümät prem’yer-ministrı Anvarul Hak Kakar höcümne qırıs räweştä ğayepläp, poliomiyelit xastalığı betkängä qadär vakśinaśiyaneñ däwam itäçägen assızıqladı.

Hayber Pahtunhvada aktiv bulğan Paqıstan Talibanı höcümneñ cawaplılığın üz östenä aldı.

Paqıstan Talibanı suğışçıları poliomiyelitka qarşı vakśina yasawçı törkemnärne häm alarnı saqlawçı poliśiyane maqsat itep aluçı höcümnär oyıştıra.

Paqıstan Talibanı bu vakśinaśiyaneñ Könbatış illäre tarafınnan balalarnı näselsez qaldıru öçen quyılğan tozaq buluın belderä.