Ğazzäneñ tön'yağına 12 kön yärdäm kertelmi
Gebreyesus “X” platformasındağı yazmasında Ğazzä sızığınıñ tön’yağına imin häm çikläwsez kerüne kiçekmästän täêmin itüne soradı
İzrail Ğazzädäge yuqqa çığaru suğışın 3 ay alıp bara. Qamalıştağı töbäkneñ tön’yaq öleşenä yärdäm iltügä röxsät birelmi.
Bötendön’ya sälamätlek saqlaw oyışması ğomum särqatibe Tedros Adxanom Gebreyesus ülemnärneñ artuına borçıluın belderde. Ul 12 könder tön’yaqqa yärdäm kertelmäwen äytte.
Bötendön’ya sälamätlek saqlaw oyışması “X” sośial’ media platformasında yazğança, “Al-Awda” xastaxanäsenä yasalırğa tiyeşle missiyä dürtençe tapqır ğamäldän çığarıldı. İzrailneñ awır bombalawları, çiklängän xäräkät häm êlemtädäge özeklek, bigräk tä, tön’yaqta, yar buyı sızığına kiräk-yaraq iltüne “mömkin bulmağan xäl”gä citkerde.
BMO oyışması sälamätlek saqlaw xezmätkärläreneñ Ğazzä sızığınıñ kön’yağına cibärelüe säbäple xastaxanälärdä mediklarnıñ citdi räweştä citmäwen belderde.
Gebreyesus “X” platformasındağı yazmasında Ğazzä sızığınıñ tön’yağına imin häm çikläwsez kerüne kiçekmästän täêmin itüne soradı. “Tağın da kiçekterü bik küp keşe öçen ülem häm ğazap kiteräçäk” -dide ul.
